Postajenje Biosferoweho rezerwata

Wot decembra 1997 ma Biosferowy rezerwat Hornjołužiska hola a haty swójske postajenje, kotrež płaći tež za přirodoškitne pasmo w Biosferowym rezerwaće.

Postajenje wobsahuje nimo definicije tež předmjety a zaměr škita w škitnych pasmach. Jako nadrjadowany zaměr škita Biosferoweho rezerwata płaća zdźerženje, hladanje a wuwiće kulturneje krajiny z dołhej tradiciju a bohatej přirodu na wulkej přestrěni.

Dale mjenuje postajenje zakonje a zakazy, kotrež w Biosferowym rezerwaće płaća. Tak je w Biosferowym rezerwaće wšitko zakazane, štož wuraznje změni charakter krajiny abo štož zadźěwa škitnemu zaměrej. Kruće zakazane su stup do jadroweje cony I a kóždežkuli wužiwanje tuteje.

Postajenje słuži jako prawidło za zarjady, skići pak tež wobydlerjam žórło detailowych informacijow.

Prašenja k postajenju móžeće kóždy čas rady zarjadej Biosferoweho rezerwata stajić.